Kafetxo bat hartuz, paseotxoa emanez..., astean ordubetez elkartu, eta euskaraz aritzeko aukera eskaintzen du Mintzalaguna egitasmoak. Ikasturte berriarekin, abiatu da aurtengo edizioa. Urte asko dira ekimena martxan jarri zela, eta euskaraz trebatu nahi dutenak, nahiz euskaldunak elkartzea du helburu, euskaraz hitz egiteko espazioa sortuz.

Atzo aurkeztu zuten aurtengo edizioa Iruran, eta dagoeneko zabalik dago izena emateko aukera. Zizurkilgo Udal Bulegoetan egin daiteke, eta baita Galtzaundi elkartean ere. Bidelariak eta bidelagunak elkartuko ditu ekimenak, astean ordubetez elkartu eta euskaraz aritzeko aukera izan dezaten.