Urteroko kirol hitzordua heltzear da dagoeneko. Jendetza erakarri ohi du kros mistoak, bai parte hartzera, baita bide bazterretatik lasterketa jarraitu zein korrikalariei animoak ematera.
Irailaren 4an, arratsaldeko 19:00etan emango zaio hasiera krosari. Helduen lasterketa nagusiaren aurretik, 2010ean edo geroztik jaiotako haurren lasterketa egingo da.
Izena emateko, nahikoa izango da irteera-helmuga ingurura gerturatzea. 18:00ak inguruan zabalduko dute izen-emate mahaia.
Herria zeharkatzen duen ibilbideari lau itzuli eman beharko dizkiote korrikalariek, guztira 5 kilometroko ibilbidea osatuz.
Jai giroa piztu ohi du kros mistoak herrian eta, ondoren barrikotea egingo da. Irailaren 6an emango zaio hasiera ofiziala, txupinazoa botaz.