Bulandegiko igogailua era desegokian manipulatu du norbaitek azken egunetan. Ateak erabat zabalduta, oso modu arriskutsuan utzi dute igogailua; eroriko larriren bat gertatzeko gisan. Herritarren segurtasuna arriskuan jarri da, eta hori ez da zilegi.

Behin baino gehiagotan errepikatu da jokabide hori eta Udalak salatu egin nahi du zizurkildarren segurtasuna arriskuan jartzen duen portaera.

Zizurkilgo Udalak, igogailuaren ardura duen enpresarekin batera, dagozkion neurriak hartu eta egunez eguneko jarraipena egingo dio igogailuari. Nolanahi ere, kontuz ibiltzeko eskaera luzatu nahi die erabiltzaileei.