Atzo iragarri zituzten Pello Mari Otaño bertso-paper lehiaketako irabazleen izenak. Egunotan, bertsorik onenak argitaratzen joango gara, saritu guztien bertsoak argitara eman arte. Gaurkoan, Mara Albistur Gurrutxagak  'Eskolaz kanpokoak' izenburupean idatzitako hiru bertsoak dakartzagu. Gaztetxoen mailako bigarren saria eskuratu du Marak bertso-sorta honi esker. Zorionak!

GAZTETXOEN MAILA - BIGARREN SARIA

ESKOLAZ KANPOKOAK

Egilea: MARA ALBISTUR GURRUTXAGA

Doinua: ITSASOA LAINO DAGO

1. DANTZA

Publikoan
konfiantzan
sarri nabil
ni zalantzan.
Musikakin
beti martxan,
zapatekin
nabil saltsan.
Nik daukaten
esperantzan,
ez ibili
zu zalantzan.
Nik daukaten
esperantzan
apuntatu
zaitez Dantzan!

2. MUSIKA

Makiltxoak
tipi-tapa,
toberekin
da aparta,
harriekin
beti lata,
artistontzat
a zer marka!
Sortzen dugu
zalaparta,
hirunaka
zein binaka.
Sortzen dugu
zalaparta,
maite zaitut
Txalaparta!

3.BERTSO ESKOLA

Petaka zein
bodegara,
ahotskide
ta silaba.
Beldur denak
pikutara,
bertsoekin
bizi gara!
Erabiltzen
da euskara,
edukitzen dut
zirrara.
Erabiltzen
da euskara,
zatoz Bertso
Eskolara!