Zizurkilgo Udalak eta Danena kirol elkarteak elkarlanean jardun dute, kirol-elkarteko kide diren familiek emandako kirol-arropa, oinetakoak eta beste hainbat motatako kirol-materiala biltzeko.

Hain zuzen, ekimen horren helburua izan da Zizurkilekin senidetuta dagoen El Salvadorgo Meanguera komunitatera bidaltzea bildutako kirol-materiala. Elkarlan horren ondorioz, honako kirol-material hau eskuratu da: 40 oinetako pare, 40 ekipazio eta 8 baloi.

Material hori guztia El Salvadorgo Meanguera komunitatera bideratuko da hurrengo egunetan, Euskal Fondoaren bitartekaritzaz.