Zizurkil Goian kokatutako zirkuitu batean jokatuko da txakurkrosa, arratsaldeko 18:00etan hasita, eta ibilbideak 4,5 kilometroko distantzia izango du.

Ondoren, 19:00etan, tiraketen erakustaldia egingo dute, bildutako guztien gozamenerako. Eta, azkenik, 20:00etan, errelebokako proba jokatuko da.

Izena eman nahi izanez gero, herrikrosa.eus atarian egin daiteke. Federatuek 15 euro ordaindu behar dituzte lasterketan parte hartzeko, eta ez federatuek, 18 euro.