Zizurkilgo Udalak deialdia zabaltzen du antolatu duen "OPORRETAN EUSKARAZ 2013" Udaleku Irekietarako begiraleak aukeratzeko.
Beren betekizuna ekainaren 24tik uztailaren 19ra bitartean burutu beharko dute.
Deialdi honetan hautatuak izaten diren lagunen zerrenda 2014 urteko udara bitartean antzeko lanetarako sortzen diren beharrei erantzuteko erabiliko du Udalak.
Deialdian parte hartu ahal izateko ezinbesteko baldintzak ondorengoak dira:
- Zizurkilen erroldatua egotea.
- 18 urteak beteak izatea edo 2013. urtean betetzea.
- Euskara ondo menderatzea.
- Azterketa teoriko-praktikoa egitea.
Horrez gain, baloratuko da, behar diren dokumentuak aurkezten badira bakarrik:
- Denbora Libreko begirale eta zuzendari tituloa.
- Heziketarekin zerikusia duten ikasketa, ikastaro, monografiko,...
- Esperientzia antzeko lanetan.
- Langabetu edo ikaslea izatea.
Sei begirale kontratatuko dira eta Zizurkilgo “Oporretan Euskaraz”en duten lan esperientziaren arabera hiru taldetan banatuko dira:
- Zizurkilgo “Oporretan Euskaraz”en lan esperientziarik ez duen begirale BAT kontratatuko da.
- Zizurkilgo “Oporretan Euskaraz”en 1 edo 2 urteko esperientzia dutenen artean BI begirale kontratatuko dira.
- Zizurkilgo “Oporretan Euskaraz”en 3 edo urte gehiagoko esperientzia dutenen artean HIRU begirale kontratatuko dira.
Izenak emateko epea maiatzaren 17an bukatuko da.
Azterketa maiatzaren 24an, arratsaldeko 18:30ean, Atxulondo Kultur Etxean izango da.
Informazio gehiagorako eta izena emateko Aurrera Plazako Udal Bulegoetara jo edo 943-692495 telefonora deitu (goizez).